Элдик Банк жана «Этажи» кыймылсыз мүлк агенттиги: «Мурабаха Ипотека» программасы боюнча кызматташуу

«Элдик Банк» ААКнын Ислам терезеси жана «Этажи» кыймылсыз мүлк агенттиги исламдык продукт «Мурабаха Ипотека»ны илгерилетүү жана ишке ашыруу боюнча стратегиялык кызматташтык келишимине кол коюшту.

Бул өнөктөштүк Кыргызстан калкы үчүн Шариатка шайкеш каржылык инструменттерди кеңейтүүгө багытталган. Келишимдин алкагында «Этажи» агенттигинин кардарлары Элдик Банктын Ислам терезеси аркылуу ислам каржылоо принциптерине ылайык «Мурабаха Ипотека» продуктусун колдонуу мүмкүнчүлүгүнө ээ болушат.

Өлкөдөгү эң ири кыймылсыз мүлк агенттиктеринин бири менен кызматташуу — салттуу пайыздык насыясыз турак жай алууну каалаган жарандар үчүн исламдык каржылык продуктуларды жеткиликтүүрөөк жана түшүнүктүүрөөк кылууга мүмкүндүк берет.

Өз кезегинде, «Этажи» агенттигинин өкүлдөрү ар түрдүү каржылык артыкчылыктарга ээ болгон кардарлар үчүн кызмат көрсөтүүлөрдүн спектрин кеңейтүүнүн маанилүүлүгүн белгилешти:
«Элдик Банк менен кызматташуу — бул ар бир кардар өзүнүн баалуулуктарына ылайык чечим таба ала турган инклюзивдүү кыймылсыз мүлк рыногуна карай кадам».

«Мурабаха Ипотека» — бул исламдык каржылык продукт, анда банк кардардын өтүнүчү боюнча кыймылсыз мүлктү сатып алып, аны Шариат нормаларына ылайык макулдашылган баа менен мөөнөттүү түрдө кардарга сатат.