"Элдик Банк" филиалдарда таштандыларды сорттоочу челектерди орнотуу менен катар кызматкерлерге окутуу өткөрүп жатат
Туруктуу өнүгүү ар бир кадамдан башталат. ESG-стратегиябызды ишке ашыра жатып, биз экологиялык практикаларды киргизүүдөбүз: банктын бардык филиалдарында калдыктарды өз-өзүнчө чогултуу үчүн урналарды орнотуп, жергиликтүү кайра иштетүүчүлөр менен кызматташып жатабыз. Бул жоопкерчиликтүү мамилени камсыз кылып, айлана-чөйрөгө терс таасирди азайтууга мүмкүндүк берет. Бул демилгелердин аркасында биз экологиялык изибизди кыскартып, табиятты сактоого өз салымыбызды кошуудабыз — өзүбүздөн жана биздин кеңселерибизден баштап.
Банктын бардык бөлүмдөрүндө кызматкерлер үчүн калдыктарды өзүнчө чогултуу эрежелери боюнча окутуу сессиялары өткөрүлүүдө. Анда орнотулган урналарды кантип колдонуу керектиги, кандай түрдөгү экинчилик чийки затты тапшырууга боло турганы жана кандай каталардан алыс болуу зарылдыгы кеңири түшүндүрүлөт. Айрыкча кеңсе кагазын өзүнчө бөлүп чогултууга жана пластик калдыктарды туура пайдаланууга көңүл бурулат. Мындай окутуу иш-чараларын өткөрүү - биздин ESG-ыкмарыбыздын маанилүү бөлүгү. Алар кызматкерлерде экологиялык жоопкерчиликтүү жүрүм-турумду калыптандырып, туруктуу өнүгүүнүн корпоративдик маданиятын өркүндөтөт.
Элдик Банк үчүн бул жөн гана корпоративдик демилге эмес - бул өлкөбүздүн келечегине кошкон салымыбыз. Биз ишенебиз: жаратылышты сактап, анын байлыктарын келечек муундарга өткөрүп берүү үчүн биргелешкен аракеттер гана натыйжа берет.
