Элдик Банк El.Kalkan киберкоопсуздук боюнча долбоорун ишке киргизди
"Элдик Банк" 2025-жылга карата өнүктүрүүнүн негизги багыттарынын бири катары El.Kalkan киберкоопсуздук боюнча долбоорду ишке киргизди.
Долбоордун башталышы кардарга багытталган ишенимдүүлүгүн жана ачык-айкындуулугун жогорулатуу багытында өнүктүрүүнүн стратегиялык багытын ишке ашыруу менен байланышкан. Ошондой эле улуттук жана эл аралык деңгээлдик сектордо алдамчылык фактыларынын көбөйүү динамикасы менен шартталган.
Банктын кардарлары, бүтүндөй тармак үчүн да маанилүү социалдык долбоордун ишке киргизилишине байланыштуу Кыргызстан Банктар Союзу менен биргеликте пресс-брифинг өткөзүштү. Банктын инновациялык долбоордук офисинин базасында ишке ашырылуучу El.Kalkan долбоордун биринчи компоненти "кредитке өзүн-өзү тыюу" кызматы болду.
Долбоордук офистин жетекчиси Татьяна Шахиндин айтымында, Элдик Банк онлайн кредиттөө боюнча бир нече чечимдерди ишке киргизүү боюнча өз кардарларын кредиттик алдамчылыктан коргоонун бул механизмин өлкөдө биринчи болуп сынап жатат. "Өзүн - өзү тыюу" инструментинин жардамы менен Банктын кардарлары эми мобилдик тиркеме аркылуу бир басуу менен эле өз атына, кийинчерээк балдарына же ата-энелерине кредит берүүгө тыюу сала алышат. Ал эми зарыл болсо, ошондой эле жөн гана онлайн кредит алуу мүмкүнчүлүгүн уланта алат. Кызматты кардарлардын кайтарым байланышынын негизинде бир нече версияга чейин жакшыртуу пландаштырылууда.
Пресс-иш-чарада "Элдик Банк санариптик трансформациянын активдүү фазасына өттү жана биз санариптештирүү чоң мүмкүнчүлүктөрдөн тышкары чакырыктарды жана тобокелдиктерди алып келерин түшүнөбүз", - деп белгиледи “Элдик Банк” ААК Башкармасынын Төрагасы Улан Ногаев. - Санариптик күн тартибин жана инновацияларды ишке ашырууда мамлекеттин ишенимдүү өнөктөшү катары бул жылы биз өз кардарларыбыз үчүн киберкоргоо боюнча конкреттүү чараларды, санариптик продуктыларды жана чечимдерди киргизүү ыкмасын киргизип жатабыз. Ошондой эле, Кыргызстан банктар Союзу менен өнөктөштүктө банк ичиндеги сектордук чечимдерди демилгелейбиз, анткени жарандарыбызды кибералдамчылыктан коргоонун натыйжалуулугун жогорулатуу максатында секторду өнүктүрүүнүн жаңы парадигмасында күч-аракеттерди бириктирүү зарылдыгын белгилейбиз. Киберкоопсуздук маселелеринде өзүн-өзү жөнгө салуу жана финансылык оюнчулардын кызматташуусу бүгүнкү күндө алдамчылыктын өсүшүнүн шартында эң натыйжалуу кадам катары каралат. Жана биз каржы секторун киберкоопсуздук боюнча чакырыктар аркылуу ресурстарды бириктирүүгө чакырабыз. Бул ыкма жарандар үчүн каршы чаралардын натыйжалуулугун жана масштабдуулугун жогорулатууга, ошондой эле инвестицияларды оптималдаштырууга мүмкүндүк берет. Киберкоопсуздук маселелеринде банктар атаандаш болбошу керек деп эсептейбиз. Сектордун ишенимдүүлүгүнүн аброюн бирге түзө алабыз».
Пресс-брифингде Уланбек Ногаев жана Кыргызстан банктар Союзунун президенти Анвар Абдраев финансы секторунун өкүлдөрүн сектордо тобокелдиктерди башкаруунун борбордон ажыратылган системасын түзүү үчүн ачык стандарттар боюнча маалыматтарды алмашуу бөлүгүндө активдүү кызматташтыктын башталышын карап чыгууга чакырышты. Ошондой эле Кыргызстан банктар Союзунун мүчөлөрү тарабынан алдамчылыкка каршы аракеттенүү боюнча иштелип чыккан Концепттин демилгелерин активдүү ишке ашыруу баскычына өтүү. Элдик Банк El.Kalkan долбоорунун экинчи Компонентинин алкагында "Антифрод" системасы боюнча маалыматтарды алмашуу, ошондой эле кара, боз тизмелер боюнча демилгелер бөлүгүндө лидерликти алууга даяр экендигин билдирди.
"Өлкөдө конкреттүү чараларды кабыл алуу жана алдамчылыктан коргоо багытында активдүү аракеттердин фазасына өтүү зарылдыгын активдүү талкуулоонун алкагында банктар союзу финансылык институттарды антифрод боюнча иштелип чыккан Концептти, ошондой эле өзүн - өзү тыюу салуу механизми жана башка конкреттүү чечимдер боюнча маалымат алмашуу аркылуу Элдик Банк тарабынан сунушталган демилгелерди ишке ашыруу үчүн Kalkan кибер демилгесине кошулууга чакырат, - деп билдирди КР банктар Союзунун президенти Анвар Абдраев. - Биз Элдик Банктын мисалында киберкоопсуздук боюнча конкреттүү санариптик чечимдердин ишке киргизилишин активдүү колдойбуз. Жарандарды маалыматтык эскертүү компанияларынан финансы секторунун аракеттерине жана чечимдерине өтүүгө убакыт келди. Банктар Союзунун аянтчасы биргелешкен демилгелер үчүн ачык, бардык каалоочуларды чакырабыз жана биздин мүчөлөрдүн көңүлүн аракеттердин активдүү баскычына өтүүгө бурабыз".
Ошондой эле" Элдик Банк " долбоордун үчүнчү компонентин – кардарлар үчүн банк тегерегиндеги жана тышкы тобокелдиктерди минималдаштырууга багытталган киберкоркунучтарды чалгындоо системасын пилоттук ишке ашырууну жарыялады. Система уникалдуу эл аралык чечим болуп саналат жана интернеттин коомдук сегментинде, ошондой эле жабык тармактарда (Darknet,DeepNet) жарандардын жеке маалыматтары менен алдамчылык коркунучун азайтуу үчүн иш-аракеттер планын иштеп чыгууга мүмкүндүк берет.
Банктын маалыматтык коопсуздук кызматынын башчысы Таалайбек уулу Жоомарт пресс-конференцияда билдиргендей, тестирлөөнүн алгачкы күндөрүндө эле кардарлардын түзүлүштөрүнөн маалыматтардын чыгып кетишине байланыштуу 30 учур аныкталган. Табылган агып чыгууларды социалдык инженерия, фрод жана киберчабуул схемаларында, анын ичинде банк кызматтарынын кыйыр катышуусу менен колдонсо болот. Түзүлмөдө маалыматтар агып кеткен учур аныкталганда Банк кардарларына коргоону күчөтүү жана андан ары компромисстин алдын алуу боюнча жекелештирилген сунуштарын берет .
