Элдик Банк жана ГИК эскертет: шылуундардан сак болгула!

«Элдик Банк» ААК жана «Мамлекеттик Ипотекалык Компания» ААК эскертет: «Топтомо ипотека» долбоорунун алкагында чет өлкөдө жүргөн Кыргыз Республикасынын жарандарын алдоо аракеттери көбөйдү.

Шылуундар «Элдик Банк» жана «Мамлекеттик Ипотекалык Компаниянын» атын пайдаланып, адамдарды алдап эсеп ачууга же жеке маалыматтарын берүүгө мажбурлоого аракет кылышууда.

 Алдамчылыктын белгилери:

• «Акция» сунуштап, эсеп ачуу үчүн төлөнүүчү сумманы азайтып көрсөтүшөт;
• Жеке кабинет жана бекитүү тууралуу айтып, ишеним жаратууга аракет кылышат;
• Дароо аракет кылууга (эсепти азыр эле ачууга) түртүшөт.

Акча которбоңуз жана жеке маалыматтарыңызды бербеңиз! Банк жөнүндө маалыматты жана тейлөөнү гана расмий булактардан колдонуңуз.

Жалгыз ишенимдүү булактар:

«Элдик Банк» ААКнын сайты: www.eldik.kg, WhatsApp +996 (706) 911 111.

«МИК» ААКнын сайты: www.gik.kg, WhatsApp +996 (553) 988 901.