«Элдик Банк» Бүткүл дүйнөлүк айлана-чөйрөнү коргоо күнүнө арналган иш-чарага катышты
2026-жылдын 5-июнунда Бишкек шаарында Бүткүл дүйнөлүк айлана-чөйрөнү коргоо күнүнө арналган салтанаттуу иш-чара болуп өттү. Быйылкы иш-чара #NowForClimate («Азыр климат үчүн») деген глобалдык чакырыктын алдында өтүп, климаттын өзгөрүшүнө каршы күрөшүү боюнча конкреттүү чараларды көрүүнүн маанилүүлүгүн баса белгилейт. Кыргызстан үчүн бул тема өзгөчө актуалдуу, анткени мөңгүлөрдүн азайышы, дарыялардын суу режими өзгөрүшү жана аба ырайынын кескин кубулуштарынын көбөйүшү байкалууда.
«Элдик Банк» ААКнын атынан куттуктоо сөзү менен Башкармасынын мүчөсү Айджан Кариева сөз сүйлөдү. Ал климаттык чакырыктарды чечүүдө мамлекеттин, бизнестин жана коомчулуктун күч-аракетин бириктирүүнүн маанисин белгилеп, Элдик Банк энергияны үнөмдөө, кайра жаралуучу энергия булактары жана туруктуу бизнес багытындагы долбоорлорду активдүү колдой турганын айтты. Банктын Жашыл климаттык фонддон аккредитация алышы Кыргызстандагы экологиялык демилгелерди каржылоо үчүн эл аралык ресурстарды тартууга жаңы мүмкүнчүлүктөрдү ачат.
Элдик Банк айлана-чөйрөнү коргоого жана өлкөнүн туруктуу өнүгүүсүнө багытталган долбоорлорду колдоону мындан ары да улантат.
