Элдик Банк Visa жана Mastercard карталарынын коопсуздугун күчөтөт

2026-жылдын 13-июлунан тартып чыгарылган эл аралык Visa жана Mastercard төлөм системаларынын карталарынын арткы бетине CVV-коду басылбайт.

CVV (Card Verification Value) - интернет аркылуу товарлар жана кызмат көрсөтүүлөр үчүн төлөм жүргүзүүдө операцияны ырастоо үчүн колдонулган үч орундуу коопсуздук коду.

Пластик картанын бетинде CVV-коддун жок болушу картанын корголуу деңгээлин жогорулатат: үчүнчү жактар кодду көрө же көчүрүп ала алышпайт. Эми картанын реквизиттери, анын ичинде актуалдуу CVV-коду, Элдик Банктын мобилдик тиркемесиндеги жеке кабинетте гана жеткиликтүү болот. Бул онлайн төлөмдөрдү мурдагыдан да коопсуз жүргүзүүгө мүмкүндүк берет.

Visa Business корпоративдик карталарында CVV-коду мурдагыдай эле картанын арткы бетине басылып чыгарыла берет.

Элдик Банк кардарларынын каражаттарын жана жеке маалыматтарын коргоо үчүн заманбап коопсуздук чечимдерин киргизүүнү улантат.