«Элдик Банк» жана МИК «Топтомо ипотекасынын» алкагында Жалал-Абад шаарынын тургундары менен жолугушууларды өткөрүштү.

Бүгүн Жалал-Абад шаарында “Элдик Банк” жана “Мамлекеттик ипотекалык компания” ААКнун өкүлдөрү жергиликтүү тургундар менен жолугушту. Талкуунун негизги темасы “Топтомо ипотека” социалдык долбоору болду.

Мамлекеттик ишканалардын кызматкерлери келгендерге кеңештерин берип, суроолоруна жооп берип, программа боюнча кеңири маалымат беришти.

Эскерте кетсек, долбоор өлкөнүн аймагында жашаган жана чет өлкөлөрдө иштеп жүргөн Кыргыз Республикасынын жарандары үчүн иштелип чыккан.

Бул программанын алкагында керектүү документтерди чогултуу процедурасы жөнөкөйлөштүрүлүп, ипотека алуу шарттары жөнөкөйлөштүрүлдү.