Шылуундар кантип иштешет?

Алдамчылар мындан ары “шаблон менен” иштешпейт - эми алар психологияны колдонушат.

Төмөндө алдамчылардын жаңы ыкмаларын карап көрөлү:

1. Жаңылыш которуу - сизге билдирүү же чалуу келет: сиздин эсебиңизге кокустан акча которулуп кеткенин айтып, аны тез арада кайтарып берүүнү суранышат. Кээде “котормонун жасалмасын” да жөнөтүшү мүмкүн. Чынында болсо, сизди кийин акчаңызды чыгарып алуу схемасына аралаштырууга аракет кылышат.

2. Экранга жетүү мүмкүнчүлүгү - сизден “коргоо” же “текшерүү” үчүн тиркеме орнотуп берүүнү суранышат. Андан кийин алдамчылар сиздин экранды көрүп, сиз менен бирге банк тиркемесине кире алышат.

3. Код аркылуу “операцияны жокко чыгаруу” - сизге SMS-код келет, ал эми алдамчы бул код акчаны чыгарып кетүүнү токтотуу үчүн керек деп ишендирет. Чындыгында - бул алардын өзү жүргүзгөн операцияны тастыктоо болуп саналат.

4. Айкалышкан чабуулдар - биринчиден сизге SMS же push-билдирүү келет, андан кийин “тактоо үчүн” чалышат. Баары расмий көрүнгөндүктөн, адам сактыгын жоготуп коёт.

Маанилүү:

- Банк же мамлекеттик органдын бир дагы кызматкери “коопсуздук максатында” акча которууну суранбайт;

- Бейтааныш адамдардын суранычы менен тиркеме орнотуу = акча жоготуу коркунучу;

- Кандай гана шашылыштык жана басым болбосун - бул алдамчылыктын негизги белгиси.

Сиздин сактыгыңыз - эң жакшы коргонуу.