Элдик Банкта БУУӨП жана Жашыл климаттык фонддун консультанттарынын миссиясы өтүүдө
2026-жылдын 27–30-апрель күндөрү Бишкек шаарында Green Climate Fund жана United Nations Development Programme тарабынан ишке ашырылып жаткан «Улуттук финансылык институттардын жашыл жана климаттык каржылоого жеткиликтүүлүгүн жогорулатуу жана аны натыйжалуу пайдалануу мүмкүнчүлүктөрүн кеңейтүү» долбоорунун алкагында эл аралык жана улуттук консультанттардын миссиясы өтүүдө.
Долбоордун алкагында Элдик Банк эки негизги багыт боюнча иш алып барууда: эл аралык «жашыл» финансылык институттардан ресурстарды тартуу инструменттерин өнүктүрүү жана эл аралык стандарттарга жана улуттук мыйзамдарга ылайык валидация, верификация жана отчеттуулук (VVR) системаларын киргизүү.
29-апрелде эл аралык жана улуттук эксперттердин катышуусунда жумушчу жолугушуу өтүп, анда долбоордун биринчи фазасынын жыйынтыктары сунушталып, Банктын учурдагы ыкмалары талкууланып, туруктуу каржылоо системасын өнүктүрүү боюнча кийинки кадамдар аныкталды.
Долбоорду ишке ашыруу жашыл каржылоонун ачыктыгын жана отчеттуулугун жогорулатууга, ошондой эле Банктын эл аралык климаттык ресурстарды тартуу мүмкүнчүлүгүн бекемдөөгө багытталган.
