Перейти к содержимому
Элдик Банк
Элдик Банк
Жеке адамдар
Юридикалык жактар

Башкы бет

Жаңылыктар жана жарнамалар

Элдик Банк — SDG Champions 2026 сынагынын жеңүүчүсү!

17 ноября 2026

Элдик Банк — SDG Champions 2026 сынагынын жеңүүчүсү!

Элдик Банк — SDG Champions 2026 сынагынын жеңүүчүсү!

Элдик Банк Туруктуу өнүгүү максаттарын (ТӨМ) илгерилетүүгө кошкон салымы жана банктык ишмердүүлүккө ESG принциптерин ырааттуу интеграциялаганы үчүн кадыр-барктуу "SDG Champions 2026" сыйлыгына татыктуу болду.

Салтанаттуу сыйлык тапшыруу аземи Алматы шаарында бизнес, каржы секторунун, эл аралык уюмдардын жана эксперттик коомчулуктун өкүлдөрүн бириктирген «Евразиядагы бизнес жана туруктуу өнүгүү» аттуу SDG Forum Almaty 2026 эл аралык форумунун алкагында өттү. Форумдун алкагында Элдик Банк «Чакан жана орто бизнести трансформациялоо жана туруктуу жеткирүү чынжырлары» панелдик дискуссиясына да катышты. Банктын өкүлдөрү чакан жана орто ишкердикти колдоо, каржылоого жеткиликтүүлүктү кеңейтүү, ESG принциптерин киргизүү жана туруктуу жеткирүү чынжырларын өнүктүрүү боюнча тажрыйбалары менен бөлүштү. Заманбап каржы институттарынын бизнестин туруктуулугуна, өнүгүүсүнө жана атаандаштыкка жөндөмдүүлүгүн жогорулатууга көмөктөшүүчү стратегиялык өнөктөш катары ролуна өзгөчө көңүл бурулду. Белгилей кетсек, алынган SDG Champions 2026 сыйлыгы — бул Элдик Банктын жоопкерчиликтүү бизнес жүргүзүүгө, ишкердикти колдоого жана Кыргызстандын туруктуу өнүгүүсүнө салым кошкон демилгелерди ишке ашырууга багытталган системалуу ишинин маанилүү эл аралык таанылышы болуп саналат.