Элдик Банк — Digital4Climate.KG улуттук хакатонунун өнөктөшү

Элдик Банк Кыргызстан боюнча жаш иштеп чыгуучуларды, студенттерди жана IT-адистерди бириктирген Digital4Climate.KG улуттук хакатонунун өнөктөшү болду. Хакатон Бириккен Улуттар Уюмунун Өнүктүрүү программасы (БУУӨП) ишке ашырып жаткан «Климаттык перспектива» аттуу дүйнөлүк демилгенин алкагында уюштурулуп, Кыргыз Республикасынын Улуттук деңгээлде аныкталган салымы (УДАС3.0) Париж келишиминин алкагында кабыл алынган өлкөнүн климаттык милдеттенмелерин ишке ашырууга багытталган практикалык салым болду.

Хакатон климаттын өзгөрүшүнө ыңгайлашуу жана туруктуу өнүгүү багытында санариптик жана инновациялык чечимдерди иштеп чыгууга арналды — кайра жаралуучу энергетика жана энергияны үнөмдөө тармагынан тартып суу ресурстарын башкаруу жана туруктуу айыл чарбасына чейин. Демилгенин алкагында катышуучулар ишке киргизүү жана кеңейтүү мүмкүнчүлүгү бар долбоорлордун үстүндө иштешти.

— Digital4Climate.KG демилгесин колдоо Элдик Банктын климаттык жана санариптик инновациялар экосистемасын өнүктүрүүгө көмөктөшүү жана Кыргыз Республикасынын туруктуу өнүгүүсү үчүн практикалык чечимдерди сунуштаган жаш ишкерлерди колдоого умтулуусун чагылдырат, - деп белгиледи Банктын Башкармалыгынын мүчөсү Айджан Кариева.