Элдик Банк Борбордук Азия аймактык экономикалык кызматташтык боюнча (БАЭК) бизнес-форумуна катышты

ЦАРЭС бизнес-форуму (БАЭК бизнес-форуму) региондун транспорттук коридорлорун цифралаштыруу жана туруктуу ыкмаларды колдонуу аркылуу экономикалык коридорлорго айландыруу маселесин талкуулоого багытталган.

Иш-чарага Кыргыз Республикасынын Министрлер Кабинетинин Төрөгасы – Президенттин Администрациясынын Жетекчиси Адылбек Касымалиев жана Азия Өнүктүрүү Банкынын президенти Масато Канда катышты. ЦАРЭСке мүчө өлкөлөрдөн келген 150дөн ашуун катышуучу логистика, финтех жана жашыл энергетика сыяктуу экономиканын негизги тармактарын талкуулашты.

Сессиянын модератору жана башкы баяндамачы катары экономика жана коммерция министри Бакыт Сыдыков сөз сүйлөдү. Ал өлкө экономикасынын акыркы өнүгүү көрсөткүчтөрүнө кенен токтолуп, форум катышууларына Кыргызстандын 2030-жылга чейинки Улуттук өнүктүрүү программасынын негизги максаттары жана милдеттерин сунуштады.

«Элдик Банктын» кызматкерлери бизнес, факторинг, контракттык каржылоо, ислам каржылоосу, жашыл кредиттер жана лизинг багыттары боюнча консультацияларды сунушташты.

Элдик Банктын бул бизнес-форумга катышуусу Банктын улуттук экономиканы өнүктүрүү, санариптик трансформацияны илгерилетүү жана «жашыл» күн тартибин колдоо боюнча мамлекеттик стратегияга берилгендигин чагылдырат. Кыргызстандын 2030-жылга чейин Улуттук өнүктүрүү программасынын максаттарын колдоо менен, Элдик Банк заманбап каржылык чечимдерди активдүү киргизип, туруктуу долбоорлордун өнүгүшүнө өбөлгө түзүүдө жана бизнестин санариптик жана жашыл каржылоо инструменттерине жеткиликтүүлүгүн кеңейтип келет.